Weitere Kinderlieder in Mundart

Baduseli Badäseli

Baduseli badäseli
jetzt chum i mit em Bäseli
und ruesse s Chämi uus.
dänn gump i über Stock und Stei
und jage alli Chinde hei.
baduseli badäseli
si lärmed s isch en Gruus

Schiffli fahre uf äm See

Schiffli fahrä uf äm See
Cha mer schöni Sachä gseh
Chund dä Wind und chunt dä Sturm
Wirft das schönä Schiffli um.

Im Muetters Stübeli

Im Muetters Stübeli da giit de HM, HM, HM
Im Muetters Stübeli da giit de Wind.

Muess fasch erfriiere vo luter HM, HM, HM
Muess fasch erfriiere vo luter Wind.

I ga durch's Stätteli uf u du durch's HM, HM,HM
I ga druch's Stätteli uf u du durch's Dorf.

I nümme de Bättusack u du de HM, HM, HM
I nümme de Bättusack u de de Chorb.

I säg "Vergält is Gott" u du sisch HM,HM, HM
I säg "Vergält is Gott" u du sisch Dank.

Joggeli wottsch go riite?

Joggeli wottsch go riite? Jo, jo, jo!
Heschs guet uf beidne Siite? Jo, jo, jo!
Hesch em Rössli Hafer gäh? Jo, jo, jo!
Hesch em Rössli Wasser gäh? Nei, nei, nei!
Denn riite mer zum Brunne
und riited drü mal umme
s'Rössli macht tripptrapp
und rüert de Joggeli ab!
 

I ghöre äs Glöggli

I ghöre äs Glöggli
das lütet so nätt.
Dr Tag isch vergange
itz gang i is Bett.
Im Bett tuen i bäte
und schlafe de i.
Dr lieb Gott im Himmel
wird ou bi mir si!

Und alli wo müed si
händ Friede und Rueh.
Dr lieb Gott im Himmel
laht Böses nid zueh.
I gohne is Bettli,
eu allne Guet Nacht
Dr lieb Gott im Himmel
und s'Aengeli wacht

De Tag isch vergange,
es tunklet ja scho,
Du lieb Gott im Himmel,
ich bi ja so froh.
Ich wott nöd elei si,
doch du bisch bi mir,
und Mueter und Vater, die wached mit Dir.

Chämifäger, schwarze Ma

Chämifäger schwarze Ma
het es ruessigs Hemmli a.
nimmt de bäse und der Lumpe,
macht die böse Buebe z gumpe.
Chämifäger schwarze Ma
het es ruessigs Hemmli a.

Chämifäger schwarze Ma
treit e längi Leitere na.
will er s Chämi uuf und abe,
muess dä tuusigs Ruess abschabe.
Chämifäger schwarze Ma
treit e längi Leitere na.

Häsli i dä Grube

Häsli i dä Gruebe
sitzt und schlaft,
sitzt und schlaft.
Arms Häsli, bisch chrank,
dass du nüme hüpfe chasch?
Häsli, hüpf! Häsli, hüpf

Aktiv mit OMO

Aktiv mit OMO

Die Rubrik Freizeit wird Ihnen präsentiert von OMO. OMO ist Ihr Experte für saubere Wäsche und strahlende Farben. Kinder sind aktiv und sollten Ihre Umwelt unbeschwert entdecken können. Ob bei Abenteuern in der Natur, beim Sport oder anderen Freizeitaktivitäten, Schmutz gehört einfach dazu. mehr »

Das könnte Sie auch interessieren

Services & Newsletter